Zv.Presidenti i FSHF, Lutfi Nuriu dhe Sekretari i Përgjithshëm i FSHF-së, Ilir Shulku morën pjesë në ceremoninë tradicionale “Laureatët 2024”, të organizuara nga Federata e Futbollit të Kosovës, ku u ndanë çmimet prestigjioze për arritjet e jashtëzakonshme gjatë vitit që po e lëmë pas të protagonistët të futbollit në Kosovë.
Gjatë kësaj mbrëmjeje FFK i akordoi dhe një çmim mirënjohjeje FSHF me motivacionin për bashkëpunim të shkëlqyeshëm dhe raportet vëllazërore midis dy federatave. Çmimi iu dha Zv.Presidentit të FSHF-së, Lutfi Nuriu, i cili falënderoi drejtuesit e FFK-së dhe iu uroi sa më shumë suksese në vitin e ri 2025.
Në ceremoninë “Laureatët 2024” personalitete të shquara nga fusha e sportit dhe institucione të ndryshme nderuan më të mirët e vitit 2024 në futbollin kosovar me pjesëmarrjen e tyre për kontributin e tyre në zhvillimin e futbollit.
