Kuqeblutë e Vllaznisë e nisin vitin 2025 me dy ndeshje brenda që do të luhen me datë 10 dhe 15 janar. Ballafaqimet i përkasin kampionatit të Abissnet Superiore me duelin e datës 10 janar në stadiumin “Loro Boriçi” me klasiken, Vllaznia-Tirana, si dhe pesë ditë më pas, po në “Loro Boriçi” me sfiden Vllaznia-Besa për Kupën e Shqipërisë për fazën e 1/8.
Duke qëndruar tek ndeshjet e fazës 1/8 të Kupës së Shqipërisë, ato do të do të zhvillohen më 14 dhe 15 janar 2025. Komisioni i Ligave dhe Garave ka zyrtarizuar datat dhe oraret e takimeve.
Më 14 janar janë planifikuar dy ndeshje, ndërsa gjashtë takimet e tjera do të luhen një ditë më pas, më 15 janar.
Në këtë fazë të Kupës do të marrin pjesë edhe ekipet e renditura nga vendi i parë deri në vendin e tetë në “Abissnet Superiore” gjatë sezonit 2023-2024.
