Një javë para startit të kampionatit të Superiores, KF Vllaznia ka zgjedhur të bëjë prezantimin zyrtar të uniformave të reja, me të cilat do të luajë gjatë sezonit futbollistik 2025-2056.
Ndryshe nga herët e mëparshme, kur një gjë e tillë është bërë zakonisht në mjediset e stadiumit “Loro Boriçi”, këtë radhë një “zë” krijuar në stafin e markentingut të kuqebluve e ka spostuar skenën në fjalë në dy pikat turistike të Shkodrës, Kalanë Rozafa dhe Urën e Mesit. Dhe, kjo ka arsyen e vet, sepse një dizajn i frymëzuar nga kultura dhe tradita shkodran, sjell në fanellën kuqeblu simbolet historike të këtyre dy pikave turistike të Shkodrës, me të cilat krenohet një qytet i tërë dhe më gjërë.
Dhe, për këtë, një përfaqësi e ekipit të Vllaznisë së meshkujve së bashku me ato të femrave, kanë pozuar para kameras dhe aparatit fotografik duke zyrtarizuar kështu uniformat e lojës për sezonin 2025-2026.
