Shkodra mirëpriti garat kombëtare të Kupës së Republikës për të gjitha grupmoshat, aktivitet ky i organizuar për dy ditë me radhë, e premte dhe e shtunë në pallatin e sportit “Qazim Dervishi” të Shkodrës.
Mbi 80-të sportistë, përfaqësues të 8 ekipeve më të mirë të vendit tonë konkuruan në disa disiplina duke u gjykuar nga arbitra të huaj të kategorisë ndërkombëtare.
Vllaznia e drejtuar nga trajneri Izmir Kashi dhe kolegët e tij, Latif Kashi dhe Shpresa Salja, ishte ekipi më i përgatitur i këtij aktiviteti duke fituar tre disiplinat kryesore të konkurimit.
Në prononcimin e dhënë për Veriu Sport, Presidenti i Federatës Shqiptare të Gjimnastikës, shkodrani Leonard Lulaj shprehet i kënaqur me zhvillimin e aktivitetit në Shkodër, ndërsa veçon ndër konkurentet, gjimnasten e talentuar shkodrane Amatia Lleshi, e cila sipas tij, së bashku me gjimnasten beratese, ishin më të spikaturit e këtij aktiviteti duke garantuar një të ardhme shumë të perspektives.
Presidenti Lulaj, tha gjithashtu, se komisioni teknik i FSHGJ, ka piketuar edhe emrat më të përgatitur të garave dy ditore të Shkodrës, të cilët do të jenë baza e Kombëtares së Shqipërisë që do të marrë pjesë në Ballkaniadën e Kroacisë.
Ndërsa, për trajnerin e Vllaznia, Izmir Kashi, fitorja e trofeve nga vajzat e ekipit të tij, është tregues i punës me këmbëngulje dhe seriozitet në proçesin stërvitor. Po kështu, Kashi ndjehet krenar që gjimnastet e tij të ekipit Vllanzia, përbërjën bazën kryesore të prfaqësueses kuqezi në garat e Kampionatit Ballkanik që zhvillohet në Kroaci.
Rezultatet teknike të Vllaznisë në Gjimnastikën Artiskike
Mosha 7-8 vjec
Hera Mustafa vendi i pare
Lea Qerimaj vendi i dyte Megi Plavmyzhaj vendi i trete
Mosha 9-10vjec kategoria A
Amatia Lleshi vendi i pare
Maria Zefi vendi i trete
Mosha 9-10 vjec kategoria B
Gjoela Neziri vendi i pare
Angela Preka vendi i trete
Mosha 11-12 vjec
Mishela Bitanji vendi i pare
Viktoria Simoni vendi i dyte
Mosha 13-14 vjec
Merili Islami vendi idyte
Mosha +15
Sara Moleci vendi i trete
Meshkuj
Mosha 8-9
Devis Ndoja vendi i trete
Mosha 14-15
Eduart Zefi vendi i pare
Rezultatet Ekipore
Mosha 7-8 Vendi i pare
Mosha 9-10 vendi i pare
Mosha 11-12 vendi i pare
Trajner: Izmir Kashi-Latif Kashi-Shpresa Salja
(Video) Prononcimet e plota të Presidentit të Federatës Shqiptare të Gjimnastikës, Leonard Lulaj, trajnerit të Vllaznisë Izmir Kashi, dhe pamje nga garat dhe ceremonia e mbylljes, mund t’i ndiqni në kanalin tonë zyrtar-Veriu Sport-YOUTUBE.
Gaspër MARKU
