Egjipti mposhti kampionët në fuqi të Bregut të Fildishtë me rezultatin 3-2 në një çerekfinale emocionuese të Kupës së Kombeve të Afrikës dhe do të përballet me Senegalin në gjysmëfinale të mërkurën e ardhshme.
“Faraonët”, shtatë herë fitues të turneut, morën epërsinë falë golave të Omar Marmoush (4′), Rami Rabia (32′) dhe kapitenit të tyre Mohamed Salah (52′).
“Elefantët”, tri herë fitues të Kupës së Kombeve të Afrikës, së fundmi në vitin 2023, shkurtuan distancën falë një autogoli nga Ahmed Fatouh (40′) dhe një goli nga Guéla Doué (73′).
