Ukraina ka marrë fitoren e parë në finalet e Euro 2020. Mbrëmjen e së enjtes skuadra e Shevchenkos ka mundur Maqedoninë e Veriut me rezultatin 2 me 1, ndeshje kjo e vlefshme për Grupin C. Tre pikët e para për Ukrainën, ndërkohë që maqedonasit mbesin në kuotën zero të pikëve në këtë europian krejt të pashpresë për kualifikim në raund tjetër. Një ndeshje që dhuroi spektakël në në Bukuresht, me Ukrainën që e fillon fortë dhe në pjesën e parë shkon në avantazh të dyfishtë me Yarmolenko në minutën e 29-të dhe Yaremchuk në minutën e 34-të: Pandev dhe shokët e tij luftojnë deri në fund, por goli i Alioskit në minutën e 57-të pas një penalltie të gabuar nuk është i mjaftueshëm. Malinovskyi gjithashtu nuk arrin të kthejë në gol një penallti në finale.
Në fakt djemtë e Shevchenkos Ukraina dhanë sinjale shumë positive edhe në përballjen e ndeshjes së parë ndaj Hollandës ndërkohë që në ndeshjet e dyta të grupit ata bëjnë një hap vendimtar në cilësi dhe fundosin Maqedoninë e Veriut 2-1.
STATISTIKA
Ukraina i dha fund një serie me gjashtë humbje në Kampionatin Europian me fitoren e tyre të dytë në kompeticion dhe të parën që nga një 2-1 kundër Suedisë në 2012.
Ukraina shënoi sot për herë të parë në pjesën e parë të një ndeshje të Kampionatit Europian.
Andriy Yarmolenko dhe Roman Yaremchuk janë çifti i parë që kanë shënuar në secilën prej dy ndeshjeve të para të ekipit të tyre në një Kampionat Europian.
Asnjë lojtar nuk ka shënuar më shumë se Andriy Yarmolenko dhe Roman Yaremchuk me Ukrainën në Kampionatin Europian, dy gola si Andriy Shevchenko.
Ruslan Malinovskiy ka provuar gjashtë goditje kundër Maqedonisë së Veriut: asnjë lojtar nga Ukraina nuk ka provuar kurrë kaq shumë në një ndeshje europiane.
Vetëm një nga pesë penalltitë e marra në këtë Kampionat Europian është konkretizuar.
Mbrojtësi qendror ukrainas Illia Zabarnyi është bërë lojtari i katërt i moshës 18 vjeç ose më i ri që fillon dy ndeshjet e para të ekipit të tij kombëtar në një Kampionat Europian, pas belgut Enzo Scifo në 1984, anglezit Ëayne Rooney në 2004 dhe hollandezit Anglez Jetro Ëillems në 2012.
