Sot Librazhdi mban zi,
një zë i dashur u shua,
një emër i madh në futboll,
nga zemrat tona u largua.
Me fanellën e Sopotit,
luajte me shpirt e krenari,
ishe kapiten në fushë,
ishe shembull për çdo brez të ri.
Me djersë mund dhe përkushtim,
e shkrove historinë,
çdo tifoz do ta kujtojë,
skuadrën dhe lojën me plotë dashuri.
Edhe pas viteve si lojtar,
nuk u ndave nga kjo dashuri,
si trajner vazhdove rrugën,
me zemër plot për futbollin e ri.
Një betejë të gjatë luftove,
me forcë e durim në jetë,
por sot qielli të thërret,
dhe dhimbja mbetet në këtë qytet.
Do të mbetesh gjithmonë,
një emër me nder e lavdi,
Besnik Çota i Sopotit,
legjendë e futbollit librazhdas në përjetësi.
Familjes i shkojmë pranë,
në këtë ditë të rëndë trishtimi,
sepse njerëzit që lënë gjurmë,
nuk harrohen kurrë nga kujtimi.
U prehsh në paqe Besnik Çota,
emri yt do të jetojë,
në zemrat e atyre që futbollin,
dhe Sopotin do ta duan gjithmonë.
Fatos LAMAJ
