Vllaznia U-16 ka mar një fitore të bukur me rezultatin 4-2 ndaj Shënkollit U-16 në një ndeshje me shumë gola dhe me ritëm të lartë.
Shkodranët e nisën më mirë takimin dhe kaluan në avantazh në minutën e 16-të me futbollistin Kjasi.
Vetëm dy minuta më pas Shënkolli reagoi me Xhixhën i cili barazoi përkohësisht rezultatin në 1-1.
Megjithatë baraspesha zgjati shumë pak pasi në minutën e 20-të Kjasi realizoi sërish, duke kompletuar dopietën personale dhe duke rikthyer Vllazninë në avantazh.
Në pjesën e dytë Shënkolli arriti të rikthehej edhe një herë në lojë ku bë minutën e 63-të ishte Ndoj që shënoi golin e barazimit duke e bërë sfidën sërish të hapur.
Në fundin e takimit Vllaznia tregoi forcë dhe vendosi ndeshjen në favorin e saj.
Në minutën e 74-të Gjeloshi realizoi golin e avantazhit, ndërsa vetëm dy minuta më pas Ademi vulosi rezultatin përfundimtar 4-2.
Në këtë mënyrë Vllaznia U-16 e drejtuar nga Valdano Nimani doli fituese nga një përballje mjaft interesante, ku spikati veçanërisht Aldis Kjasi me dy gola në pjesën e parë.
Fatos LAMAJ
