Ashtu siç është bërë e ditur edhe më herët nga ana e drejtuesve kuqeblu, ardhjet e reja në klubin shkodran do të shoqërohen edhe me largime. I tillë është edhe rasti i malazezit Milos Kaleziç, i cili që prej ditës së sotme nuk do të jetë më pjesë e KF Vllaznia.
“KF Vllaznia bën të ditur se ka mbyllur bashkëpunimin me futbollistin Milos Kaleziç. KF Vllaznia e falenderon lojtarin për kontributin e dhënë për skuadrën tonë gjatë gjysmës së dytë të sezonit të kaluar si dhe në fitimin e trofeut të Kupës së Shqipërisë, e po ashtu edhe në ndeshjet e Kupave të Europës dhe i uron suksese në karrierën e tij të mëtejshme. Faleminderit Milos Kaleziç! Thank you Milos Kaleziç!”, shkruan klubi kuqeblu në postimin e bërë në faqen zyrtare të tij.
