Abissnet Superiore do të ngrejë ditën e sotme siparin e javës së 14-të. Tre ekipe nga kryeqyteti si Partizani,Dinamo dhe Tirana do të zbresin në fushë. Teksa iu bashkohet dhe ekipi i Erzenit.
Në orën 13:30 në stadiumin “Arena Egnatia”, Erzeni do të presë Tiranën. Në një ndeshje ku Tirana do të kërkojë 3 pikët për tu afruar me kreun, ndërsa shijakasit duan fitoren për tu larguar nga “zona e ftohtë”.
Në krahun tjetër në “Arena e Demave”,do të luhet derbi. Partizani do të presë Dinamon në sfidën që do të startojë në orën 17:00. Të kuqtë kanë shansin e artë për të marrë 3 pikët dhe për të dalë të vetëm në krye të tabelës,ndërsa Dinamo lufton për “Final Four”.
Kalendari i ndeshjeve të javës së 14-të Abissnet Superiore
Sot, e hënë 27 Nëntor
Erzeni-Tirana, ora 13:30
Partizani-Dianamo, ora 17:00
Nesër, e martë 28 Nëntor
Kukësi-Skënderbeu, ora 13:30
Laçi-Egnatia, ora 13:30
Teuta-Vllaznia, ora 16:00
Fatos LAMAJ
