Superiorja do të luajë ditën e sotme dy sfida mjaft interesante, të cilat janë të vlefshme për javën e 29-të të kampionatit. Do të luhet në Laç dhe Durrës në dy orare të ndryshme.
Fillimisht në Laç do të përplasin “brirët” mes tyre Laçi dhe Partizani,takim që do të startojë në orën 15:00. Një ndeshje ku të dyja ekipet do të kërkojnë rikthimin te fitorja. Kurbinasit kërkojnë 3 pikët për t’iu larguar zonës “Play-Out”,ndërsa nga krahu tjetër demat i duan për të mbajtur hapin e kryeuesve.
Në orën 18:00 do të luhet në “Niko Dovana” mes Dinamos dhe Skënderbeu. Duel mjaft delikat që vë përballë dy skuadrat që do të luftojnë për “Final-Four”. “Blutë mbajnë vendin e 6-të në klasifikim me 36 pikë,ndërsa korçarët ndodhen në top 4-she me 40 pikë. Kujtojmë se dinamovitët kan një ndeshje më shumë për të zhvilluar.
Ndeshjet e javës së 29-të Superiore
Dje
Egnatia-Kukësi 1-0
Vllaznia-Erzeni 1-1
Tirana-Teuta 1-2
Sot
Laçi-Partizani, ora 15:00
Dinamo-Skënderbeu, ora 18:00
Fatos LAMAJ
