Ndërkohë që më heret kanë nisur proçesin stervitor ekipet e kategorive të moshave më të larta, nga U-13 deri në U-19, që prej ditës së nesërme, e mërkurë 1 shtator 2021, do të fillojnë stervitjet edhe për grup moshat më të vogla, ato U7, U9 dhe 11. Një gjë e tillë mësohet përmes njoftimit zyrtar që KF Vllaznia bëri mbrëmjen e sotme për publikun.
NJOFTIM
Akademia Vllaznia njofton të gjithë futbollistët që janë aktualisht të rregjistruar pranë saj, por edhe të tjerë që duan të na bashkohen, se duke filluar nga dita e nesërme, e mërkurë datë 01 shtator 2021, do të fillojë edhe stërvitja e ekipeve për grupmoshat U7, U9 dhe U11, pikërisht në oraret 15.00, 16.00 dhe 16.30 pranë kompleksit sportiv “Lici” . Këto ekipe në sezonin e ri futbollistik do të drejtohen nga trajnerët Ivo Shestani, Luan Zmijani dhe Ylad Pirani.
