Humbja e Vllaznisë në Belfast me rezultatin 3-1 në ndeshjen e parë të Conferencë League ndaj ekipit irlandezo-verior Linfield, nuk është pritur mirë në opinionin sportiv shkodran dhe më gjërë.
Njëri prej tyre është edhe Ermir Vajushi, tashmë i njohur jo vetëm për pasionin si tifoz i flaktë i Vllaznisë, por edhe në rolin e një trajneri të suksesshëm në fubollin gjerman ku ai jeton prej vitesh me familjen e tij.
Në komentin e tij të pasndeshjes, trajneri i futbollit të moshave, Ermir Vajushi, rendit disa pika, sipas të cilit ishin më kryesore në këtë sfidë.
“Humbje ndaj një ekipi të dobët!
Nji pjesë e lojtarëve të ardhun japin përshtypjen “amatorizmit total”.
Ishalla përmirsohen rrugës
3 gola që i kena pësu pothuajse nga një lojtar i vetëm!
E kam fjalën për qendërmbrojtësin e majtë!
Vendosje e gabume, pasim i gabum, lehtësisht i driblueshëm!
Interesant mu duk Dodev për aq pak minuta që u aktivizu.
Shënimi i golit në rastin e Balaj mund të ndryshonte komplet rrjellën e lojës, dhe tani mund të flisnim krejt ndryshe.
Nuk po du me fol për trajnerin, por nuk më pëlqej aspak mënyra se si veproi me zëvendësimet, dhe me sjelljen e skuadrës në përgjithësi!
Kundërshtari nuk asht i pakalueshëm, por duhen ndryshu shumë gjana.
Zoti i madh na ardht në ndihmë
VLLAZNI”, shkruan trajneri i futbollit në Gjermani, Ermir Vajushi, i cili njëkohësisht si një ndër mbështetësit më të flaktë të Vllaznisë në vite.
