Ashtu siçi kishte deklaruar edhe më herët klubi anglez, Armando Broja është bashkuar me skuadrën në Los Anxhelos, aty ku skuadra kishte udhëtuar pak ditë më parë për fazën përgatitore. Së bashku shkodranin është edhe Sterling, edhe ai i papërfshirë në udhëtimin e parë që skuadra kishte realizuar për në Amerikë.
Dy lojtarët kanë udhëtuar së bashku nga Anglia drejt Los Anxhelos dhe menjëherë kanë zbritur në terren
Grupit të Chelseat prej 29 lojtarësh në turne iu bashkuan edhe dy të tjerë të mërkurën, duke përfshirë të huazuarin e rikthyer Armando Broja dhe sigurisht nënshkrimin (e parë) të madh të verës, Raheem Sterling. Dyshja fluturuan për në Los Anxhelos nga Anglia së bashku dhe të dy ishin drejtpërdrejt në aksion në terrenin e stërvitjes.
Thomas Tuchel e mirëpriti Sterlingun me disa fjalë të këndshme, ndërsa kolegët e tij anglezë Reece James dhe Mason Mount ishin gjithashtu të emocionuar.
Mount: “Ai ka shënuar shumë dhe krijon shumë, sepse është i rrezikshëm sa herë që ka topin. Dhe kur nuk e ka topin, ai është një kërcënim, ne jemi të kënaqur me ardhjen e tij. Ai do të sjellë shumë në grup, kështu që janë momente emocionuese”.
James: “Është një nënshkrim shumë emocionues. Të luash kundër tij është një makth, kështu që jam shumë i lumtur që ai është këtu tani dhe nuk kam nevojë të luaj më kundër tij!”.
