Thursday, February 29, 2024

Barazimi, 1 me 1 në Egnatia-Partizani. Trajneri i të kuqve Arbër Abilaliaj: Ndeshje jo normale. Më kënaq edhe pika, për mënyrën sesi shkoi ndeshja

Lexo

Prononcimi i trajnerit të Partizanit, Arbër Abilaliaj, pas ndeshjes, Egnatia-Partizani, 1-1

Në prononcimin e dhënë pas ndeshjes për “MCN” trajneri sqaroi edhe çështjen e zëvendësimeve, pasi kur u dëmtuan dy mbrojtësit, Partizani i kishte kryer të gjitha zëvendësimet e mundshme.

“Ishte një ndeshje e vështirë për ta përgatitur. E nisnim në minutën 24. Çdo gjë shkoi siç e kishim punuar. Në pjesën e dytë patëm raste për të shënuar. Keqardhje, kaq shumë raste flagrante ndaj një ekipi të fortë, nuk shpërdorohen. Kur ishim të plotë nuk u rrezikuam.

Në pjesën e parë vetëm një goditje standarde nga vendasit,  në pjesën e dytë nuk na rrezikuan. Ne patëm raste me Rrapajn, Sembene, Carën dhe flagrant ishte ai i Mensah.  Ndeshje e luftuar dhe sakrifikuam, ku na u dëmtuam edhe dy qendërmbrojtësit. Si vajti ndeshja, jemi deri diku të kënaqur.

Mbrojtja?

Në krahasim me të kaluarën patëm një miks të gjërave, e dinim që në goditje standarde do të kishim vështirësi. Ndaj shtuam shtatlartësi në këtë repart. Në goditjet standarde je 50-50 dhe mendoj se i zgjidhëm mirë situata. Kur nuk je i plotë 100% normal që edhe kundërshtari do të krijojë mundësi. Po të shënonte Mensah nuk do të kishte më lojë

Ndërrimet nxitim?

Ne që kur filloi loja kishim vetëm 3 ndërrime dhe jemi të kënaqur me atë që bëmë. Takim jo normal, në aspektin psikologjik, të ndërrimeve, luan ndeshje 70 minuta. Ishte e vështirë dhe e panjohur për pjesën më të madhe të lojtarëve në fushën e lojës.

Është e vështirë të analizoj këtë ndeshje. Na kishte mbetur vetëm një stop ndërrimi pasi aktivizuam Mensah, pasi kur rinis ndeshja i kishim bërë dy ndërrime. Ndaj në stopin e fundit të ndërrimeve, donim që të gjithë lojtarët tanë në formë ti kishim në fushë, morëm këtë vendim që të përdornim ndërrime dhe të ndryshonim lojën. Është e vështirë të llogaris ndërrimet, ishim edhe të cunguar. Falënderoj çunat opër angazhimin dhe për pikën”.

 

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img