Barazoi në shtëpi me Vllazninë. Trajneri bardheblu, Shehi: Rezultat i drejtë. Ishte një ndeshje që i kishte tre rezultatet brenda.

Lexo

Shqipëria U-16 fiton miqësoren e parë me Malin e Zi U-16 në Podgoricë

Mali i Zi U16 – Shqipëri U16          0-1(Shënues: Nuredini 64’)Formacioni i Shqipërisë: Leonard Kolgecaj, Davide Avdullari, Enea Elmazi, Murselo Dervishi,...

(Video) Vllaznia humb në shtesë Superkupën e Shqipërisë. Kuqeblutë tashmë të përqëndruar tek kampionati, presin të hënën Egnatian në “Loro Boriçi”

 Ashtu siç pritej, Superkupa e Shqipërisë ka dhuruar emocione pa fund. Tirana kampione e Shqipërisë dhe Vllaznia fituese e...

 

Për trajnerin e bardhebluve, Orges Shehi, barazimi i sotëm 0-0 në sfidën Tirana-Vllaznia, luajtur në stadiumin “Selman Stërmasi” ishte i drejtë. Sipas tij, përballja në fjalë i kishte brenda të tre rezultatet. “Është e vërtetë që luajtëm një ndeshje me ritëm të dy skuadrat. Kundërshtari na krijoi shumë probleme në pjesën e parë me Boshnjakun, por ishte ndeshje mes rivalëve që kishte të gjitha rezultatet brenda. Është një ndeshje që kishte ritëm, ndoshta mbi mesataren sa i përket kampionatit tonë, me dy skuadra që kalonin nga sulm në kundërsulm. Duke pasur këtë ritëm lojtarët kishin probleme fizike. E kemi thënë që në fillim që Vllaznia është një nga pretendentet. Duke qenë e tillë, se ka lojtarë cilësore, ka alternativa në stol. Këto janë ndeshje rivalësh që prodhojnë lojë, janë ndeshje që asnjë skuadër nuk qëndron mbrapa por për të fituar. Kur luhet kështu, është rreziku prezent që mund të fitosh apo mund ta humbasësh.”, tha Shehi duke folur për Over Sport.

Duke vijuar të analizojë ndeshjen, Tirana-Vllaznia, Shehi shton: Skuadra shkodrane ka lojtarë ofensivë në krahë si Hakaj që shtyn, ne në pjesën e parë na krijonte pak vështirësi lojtari përpara mbrojtjes. Gjatë lojës ndryshuam dhe ishim vonë në mbulimin e krahëve dhe kjo na sillte pështjellim. Në pjesën e dytë ndryshuam përsëri, e vendosëm Patrik që të mbante numrin 6 të tyre dhe Xhixha e Florenti të ishin në pozicion të dyfishtë edhe për të dubluar krahët. Ana fizike e disa lojtarëve çedoi pak, por nuk deshëm të ndryshonim mënyrë se kur rreziku është prezent, edhe kundërshtari ka rrezikshmëri e nuk del gjithë kohën në sulm, por kujdeset edhe për mbrojtjen duke parë lojtarët tanë të sulmit, ka frikë të dalë para. Kishim më shumë ekuilibër e ishim dominues në pjesën e dytë, Xhixha kishte udhëzim që të mos kthehej pas, por Vllaznia na vuri në vështirësi me Gurishtën që shikonte lart. Ndryshuam rreshtim kur na bënë presion në mesfushë, ndërrimet në mesfushë ishin pak të detyruara. Ishte ritëm i çmendur, se kishte nisje e rinisje dhe me këtë lojë dy mesfushorët lodhen më shumë ndaj ndërruam Veselin e Kallakun. Në pjesën e dytë ishim më konkretë, mund ta zgjidhnim më mirë me një pasim për shokun e jo veprime individuale”.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -