Thursday, April 18, 2024

Basania fiton në transfertë me Përmetin 0-3. Shënojnë Egzon Shimaj 2 dhe Hoffman 1. Bushatasit vazhdojnë të mbajnë kreun e renditjes në grupin A

Lexo

Pas fitores së thellë në shtëpi, ku mundi me rezultatin 7-3 ekipin e Kinostudios, Basania FC regjistron fitoren e radhës. Këtë herë, trepikëshi arrihet në transfertë ndaj ekipit të Përmetit.

Ndeshja në fjalë u zhvillua mesditën e sotme në fushën e kompleksit sportiv të ekipeve kombëtare Kamzë dhe ishte tërësisht e dominuar nga skuadra bushatase.

Djemtë e drejtuar nga trajneri Fatjon Hasani ushtruan pression në portën kundërshtare që në nisje të takimit, por megjithë rastet e shumta për shënim, pjesa e parë u mbyll në barazpeshë me rrjeta të paprekura.

Ndërkohë, 45 minutëshi i dytë i kësaj ndeshje nis me gol për Basanin. Është minuta e 54-të kur Egzon Shimaj godet saktë në portën përmetare duke e kaluar në avantazh me rezultatin 0 me 1.

Dhjetë minuta nga goli i parë, Basania arrin të shënojë golin e dytë, ku këtë radhë është braziliani Hoffman që tund rrjetën përmetare. 0 me 2 për Basaniam, që tashmë ka qetësinë e duhur për të administruar rezultatin.

Koha shtëse ka edhe një gol tjetër për Basanian, dhe për këtë mendon Egzon Shimaj që shënon në të 92-tën minutë duke vulosur fitoren e merituar të Basanias me rezultatin e pastër, 0-3.

Me këtë fitore të javës së nëntë, Basania shkon në kuotën e 19-të pikëve me 24 gola të shënuar dhe 12 të pësuar duke vijuar të mbajë vendin e parë në tabelën e klasifikimit të Kategorisë së Tretë, grupi A, ndërkohë që pret dy ndeshjet e rivalëve, Prestige dhe Eagles, të cilët ndeshjet e tyre i luajnë të dielën.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img