Turneu i 18-të Ndërkombëtar i Boksit “Memorial Vllaznia 2022” ka startuar pasditen e së premtes me takimet eleminatore të ditës së parë. Përfaqësuesit e ekipeve: Kosova, Mali i Zi, Bullgaria, Maqedonia dhe Shqipëria janë ngjitur në ringub e pallatit të sportit, “Qazim Dervishi” të Shkodrës duke u ballafaquar në tetë duele.
Krahas Presidentit të Federatës Shqiptare të Boksit, Florian Kalivopulli, dhe autoriteteve të tjera të sportit të boksit nga Shqipëria dhe Kosova, takimet e ditës së parë të Turneut ndërkombëtar të Boksit i ka ndjekur prej së afërmi edhe kryetari i ri i Bashkisë Shkodër, Bardh Spahija.
Rezultatet teknike të dueleve në ditën e parë të Turneut janë këto:
- Pesha 57 kg. Mauro Cani(Albania)-Javier Diaz(Bullgari), fiton Diaz
- Pesha 57 kg. Kristian Koço(Albania)-Lorent Murati(Kosovë), fiton Murati
- 80 kg. Arjon Kajoshi(Albania)-Kristian Nikolov(Bullgari), fiton Kajoshi
- 80 kg. Altin Shala(Kosovë)-Ali Azemi(Maqedonia Veriut), fiton Azemi
- 86 kg. Petar Lijeseviç(Mali Zi)-Remzo Mustafiç(Kosovë), fiton Lijeseviç
- 86 kg. Milorad Puriç(Mali Zi)-BesaR Sulaj(Albania), fiton Puriç
- 92 kg+Mehmet Hodo(Albania)-Jordan herkondez(Bullgari), fiton Hodo
- 92 kg +Geljan Rojku(Albania)-Dimitrije Miliç(Mali Zi), fiton Rojku
Në mbyllje të ditës së parë, kryegjyqtar i aktivitetit, Baftjar Abazi, ndërsa vlerësoi cilësinë e ndeshjeve në ring, komplimento edhe anën organizative të aktivitetit.
Turneu Ndërkombëtar i Boksit, “Vllaznia 2022” vijon paraditen e së shtunës me ditën e dytë, ditë kjo që do të ballafaqojë në ring boksierët më të mirë finalist të çdo peshe ku do të përcaktohen edhe kampionët individual si dhe klasifikimin ekipor.
