Sfida mes Danimarkës dhe Belgjikës ndaloi në një moment, pikërisht në minutën e 10-të, për të nderuar mesfushorin. Një moment emocionues, pikërisht minuta e 10-të e sfidës mes Danimarkës dhe Belgjikës, gjithçka është ndalur, për të nderuar mesfushorin Kristian Eriksen, i cili përjetoi një moment të vështirë në ndeshjen me Finlandën.
Të gjithë të pranishmit: gjyqtarët, lojtarët, stafet, tifozët, të gjithë… me lot në sy duartrokitën për mesfushorin danez, veprim ky i cili ishte paralajmëruar më parë. Gjithashtu, në fushë u shpalos dhe një fanellë e madhe me numrin 10 dhe me emrin e mesfushorit.
Emocion dhe afeksion i madh, jo vetëm nga tifozët danezë, por edhe nga kundërshtarët.
