“Dhjetë vjet më vonë ti je ende në zemrat tona. Vazhdo të luftosh Michael”. Një mesazh shumë i thjeshtë për të nënvizuar një përvjetor që të gjithë do të donim ta harronim, është ai i publikuar në llogaritë e rrjeteve sociale të Skuadrës së Ferrarit. Ky mesazh vjen me rastin e 10-vjetorit të aksidentit të kampionit të Formula 1, që solli pesë tituj botëror radhazi në Maranello, nga 2000-2004. Një sukses, i cili, që atëherë, me makinën e kuqe është arritur vetëm nga Kimi Raikkonen në vitin 2007.
Mesazhi shoqërohet me një imazh të Michael duke buzëqeshur në shkallën më të lartë të një prej nëntëdhjetë e një Çmimeve të Mëdha, që fitoi në nëntëmbëdhjetë sezone, një rekord që më pas u arrit dhe u tejkalua nga Leëis Hamilton. Fotoja e ferraristit, është në mënyrën e vet mjaft emblematike dhe përfaqësuese e karrierës së Shumakerit. Ai e portretizon atë në podiumin e Çmimit të Madh të Britanisë, në Silverstone 2002, të cilin ai e fitoi të dielën e 7 korrikut.
Në një sezon të jashtëzakonshëm, ku piloti gjermani do të fitonte titullin e pestë boëror, të cilin e arriti që në Francë, me gjashtë gara të mbetura para fundit të botërorit! Schumacher kishte fituar tashmë me Ferrarin në pistën historike angleze në vitin 1998 dhe do ta kishte bërë përsëri në 2004, një tjetër sezon i paharrueshëm: atë të titullit të shtatë (dhe të fundit) botëror të koleksionit të tij të rekordeve.
