Fitore me aromë Play-Off-i.Vllaznia e rrjetës mund Skënderbeun me rezultatin 3-1

Lexo

Vllaznia-Skënderbeu 3-1

(25-20, 25-18, 26-28, 25-20)

Vllaznia: Nikolin Qafarena, Endri Jukni, Fatjon Çekini, Ardit Taflaj, Gersi Jula, Gilman Talani, Aron Dibra, Visar, Lleshi, Gentjan Curraj, Esmirald Peraj, Enid Daniku, Klaudio Toma, Sidorel Pepaj, Arsen Vjerdha. Trajner: Artan Kalaja, Ermal Kraja

Skënderbeu: Joan Sotiri, Klaudio Barçi, Vasjan Zhymi, Emanuel Driza, Santiel Kamenica, Marild Musaka, Eris Caci, Noel Shëllira, Zenel Islami.

Gjyqtarë: Kanalsi Gjoka, Ardit Nurja. VëzhguesL Refat Kasmi

Volejbollistët meshkuj të drejtuar nga trajneri Artan Kalaja janë në mes skuadrave më të mira të fazës finale Play-Off.. Këtë të drejtë e fituan duke mundur sot në shtëpi ekipin korçar, Skënderbeu me rezultatin 3-1.

Një fitore kjo, që u duk se do të ishte e lehtë për Vllazninë, e cila fiton pa ndonjë rezistencë nga kundërshtari setin e parë me rezultatin 25-20. Në vijim, edhe në setin e dytë, skuadra shkodrane vazhdon të jetë tërësisht dominuese, gjë që reflektohet me  një fitore edhe më të thellë në shifra, 25-18.

Me fitoren e dy seteve radhazi, u duk se për Vllazninë do të ishte thjeshtë formalitet edhe seti i tretë për ta mbyllur ndeshjen me rezultat të thellë 3-0. Por, për këtë nuk janë dakord korçarët, të cilët duke përfituar edhe nga gabimet e volejbollistëve shkodranë, shënojnë pikë pas pike duke vijuar të luhet seti i tretë me pikët shtesë. Pikërisht në momentet finale, Skëndërbeu ndëshkon vendasit duke shënuar edhe dy pikët e fundit, që i japin fitoren e këtij seti, 26-28.

Emocione të shumta edhe në setin e katërt, Vllaznia për ta mbyllur ndeshjen 3-1 dhe Skënderbeu për të barazuar setet. Rezultati barazohet disa herë, por pas pikës së 20-të janë kuqeblutë që me në krye kapitenin Nikolin Qafarena, shënojnë pesë pikë radhazi duke fituar setin 25-20 dhe të gjithë ndeshjen, 3-1. Fitore kjo që e kualifikon Vllazninë në fazën finale të Play-Off-it, ku shorti e ka vënë përsëri përballë Skënderbeut.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -