Sektori i Garave në FSHF ka përcaktuar çiftet gjysëmfinaliste të Kupës së Shqipërisë në futboll për moshat për kategorinë e moshës U-17 dhe U-19. Një gjë e tillë është bërë sot në mjediset e Federatës Shqiptare të Futbollit me hedhjen e shortit të lirë ku të pranishëm ishin përfaqësuesit e klubeve përkatëse të kualifikuar në turin gjysëmfinal. Pas përzierjes së goglave u fiksuan kemi këtë kalendar:
Gjysëmfinalet për grupmoshën U-17:
Sh.F. Pepa – Akademia e Futbollit / E mërkurë, Kompleksi Internacional
Vora – Shënkolli / E mërkurë, Kompleksi Internacional
Gjysëmfinalet për grupmoshën U-19:
Vllaznia – Shënkolli / E mërkurë, Kompleksi Internacional
Partizani – Tirana / E mërkurë, Kompleksi Internacional
Gjithnjë sipas informacionit marrë nga FSHF, ndeshjet në fjalë do të zhvillohen të mërkurën, më 27 janar, në Kompleksin Internacional në Pezë Helmës.
