Monday, July 22, 2024

Incidente të tifozërisë në pragndeshjen, Napoli- Eintracht. Zv.Kryeministri i Italisë Matteo Salvini: “Këta nuk janë tifozë, janë kriminelë, banditë!”

Lexo

Qindra tifozë të Napolit dhe Eintracht Frankfurt janë përplasur në Napoli të Italisë, përpara ndeshjes së Champions League. “Ultratsit” mund të shiheshin duke hedhur gurë, flakë dhe predha të tjera në qendër të qytetit të Napolit. Një makinë policie dhe automjete të tjera janë djegur gjithashtu, ndërsa xhamat e makinave janë thyer në të gjithë rrugën.

Dëmtime ka pasur edhe në makinat dhe motoçikletat e kalimtarëve të rastit, si dhe në disa dyqane. Policia me mjete luftarake arriti të qetësonte situatën, duke i futur tifozët në autobusë për t’i çuar në hotelet e tyre. Përplasjet e mëtejshme u shmangën pasi shumica e “ultras”-ve të Napolit u ndaluan të viheshin në kontakt me tifozët gjermanë.

Ndërkohë, zëvendëskryeministri i Italisë Matteo Salvini shkroi në Instagram: “Këta nuk janë tifozë, janë kriminelë, banditë. Pyes veten nëse do të bënin të njëjtën rrëmujë në Gjermani?”.

Policia ishte në gatishmëri të lartë në qytetin italian pasi rreth 600 tifozë mbërritën nga Gjermania, pavarësisht se Frankfurti hoqi dorë nga ndarja e biletave për ndeshjen e fazës së 16-të në shenjë proteste.

Klubi po kundërshtonte një vendim të autoriteteve lokale në Napoli që ndalonte çdo tifoz që ishte banor i Frankfurtit të blejë bileta, pas trazirave mes tifozëve gjatë ndeshjes së parë në Gjermani. Napoli e fitoi atë ndeshje 2-0, por policia lokale bëri disa arrestime në grumbullim mes grindjeve mes tifozëve.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img