Me nga një gol në secilin pjese loje, fillimisht me anë të Kane në minutën e 39-të dhe më pas në të 63-tën nga Mont, kombëtarja angleze është larguar nga Tirana me një fitore të pastër 0 me 2. Ndeshja, e cila ishte e vlefshme për kualifikueset e Kupës së Botës, “Katar 2022”, është luajtur mbrëmjen e sotme në stadiumin “Arena Kombëtare” të kryeqytetit.
Një sfidë që nisi e kujdesshme për kuqezinjtë, duke mbrojtur në mënyrën e duhur, ndërsa në minutën e 13-të kishin një mundësi të artë për të shënuar. Hysaj shërbeu si duhet për Uzunin, i cili i kishte të gjitha mundësitë për të realizuar, por goditja e tij ka përfunduar mbi traversë. Përgjithësisht dukej sikur të besuarit e Edi Rejas po e kryenin mirë detyrën e tyre në fushën e lojës, por minuta e 38-të sjell ndëshkimin e kuqezinjëve tanë. Një aksion i kundërshtarit i thyer jo në mënyrën e duhur nga prapavija kuqezi duke i dhënë mundësinë anglezëve të shënojnë me anë të Harry Kane, i cili tregoi cilësitë e tij në momentin e parë të krijuar. Një krosim nga e majta e sulmit dhe sulmuesi i Tottenham nuk fal me kokë, 1-0, rezultat që mbyll dhe pjesën e parë Një Shqipëri hermetike përballë një Anglie sulmuese, për të ndryshuar gjithçka në minutën e 38-të, moment në të cilin,.
E njëjta pamje edhe në pjesën e dytë, me një Shqipëri që nuk ka forcën e duhur për të reaguar përballë Anglisë. Nuk ka vonuar dhe goli i dytë për anglezët, që kanë shfrytëzuar një gabim të Gjimshitit dhe kanë arritur të realizojnë me anë të Mount, pikërisht në minutën e 63-të të takimit. Minutat e mbetura, megjithë përpjekjen e të dyja skuadrave nuk ka më gol duke bërë që e gjithë ndeshja të mbyllet me fitoren e Anghlisë me rezultatin 0-2.
Me këtë fitore, e dyta radhazi për Kualifikueset e Kupës së Botës, “Katar 2022”, Anglia e trajnerit Southgate kryeson Grupin I me 6 pikë të plota. Ndërkohë, kombëtarja e Shqipërisë mbetet me vetem tre pikët e marra ndeshjen e parë kundër Andorrës në transfertë.