San Marino-Shqipëri-3-0
Formacioni i Shqipërisë: Simoni, Mjaki, Kurti, Mitaj, Smajli, Avdiu, Pajaziti, Alivoda, Ismaili, Cristian Shpendi, Stiven Shpendi. Trajner: Alban Bushi
Në fakt, ka qenë një autogol i futbollistëve nga San Marino në minutën e 21-të, që hapi serinë e golave kuqezi. 15 minuta më pas, në të 36-tën, është talenti shqiptar që është pjesë e Fulhamit, Pajaziti, ai dyfishoi shifrat për Shpresat kuqezi.
Shqipëria e Nën-21-vjeçarëve, e drejtuar nga Alban Bushi ka ngadhënjyer me rezultatin 3-0 në testin miqësor të zhvilluar ditën e mërkurë në fushën e San Marinos. Vlen të theksohet se të 3 golat e ndeshjes së zhvilluar në Stadiumin “Serravalle” të republikës së vogël, u realizuan në pjesën e parë dhe trajneri kuqezi, Alban Bushi, duhet të ketë mbetur i kënaqur me përgjigjet që mori nga futbollistët e grumbulluar rishtazi në ekipin kombëtar të kësaj grupmoshe.
Trajneri Bushi e nisi këtë miqësore të Nën-21-vjeçarëve me Simonin në portë, e më pas me një 4-she të përbërë nga e djathta në të majtë nga Mjaki, Kurti, Mitaj dhe Smajli, duke vijuar më pas me 4 mesfushorë që ishin Avdiu, Pajaziti, Alivoda, Ismaili, si dhe dyshja e sulmit e përbërë nga dy lojtarë me të njëjtin emër, Shpendi. Në fakt, ka qenë një autogol i futbollistëve nga San Marino në minutën e 21-të, që hapi serinë e golave kuqezi. 15 minuta më pas, në të 36-tën, është talenti shqiptar që është pjesë e Fulhamit, Pajaziti, ai dyfishoi shifrat për Shpresat kuqezi.
Për të çuar shifrat në 3-0 mendoi talenti i Vllaznisë, Smajlaj, i cili realizoi në minutën e 39-të. Me këtë epërsi të 3-fishtë të kuqezinjve të vegjël është mbyllur pjesa e parë, ndërsa, sa i përket pjesës së dytë, Shqipëria pati rastet e saj, por pa mundur të finalizojë, duke u mjaftuar kështu me rezultatin 3-0, ndonëse duhet theksuar trajneri Bushi bëri ndryshime të shumta, duke iu besuar thuajse të gjithë lojtarëve.
