Bardhekaltërit kanë mposhtur 4-1 Salernitanën në ndeshjen hapëse të javës së 32-të të Serisë A
Pas derbit të hidhur, Lazio ngre sërish kokën. Në ndeshjen hapëse të javës së 32-të të Serisë A, skuadra e Tudor mundi 4-1 Salernitanën dhe u rikthye në renditje, duke kaluar për momentin Napolin me 49 pikë. Ndeshje e gjallë dhe me shumë mundësi në Olimpico. Në pjesën e parë Felipe Anderson zhbllokoi sfidën në minutën e 7-të, më pas shënoi sërish në minutën e 35-të pas golave të Vecino (14′) dhe Tchaouna 16’(Salernitana). Në pjesën e dytë, në fakt, vendasit vazhduan lojën e mirë duke kompletuar pokerin me Isaksen (87′) .
“Nuk do të jem vitin e ardhshëm. I kam kërkuar klubit të largohem, nuk dua të marr asnjë euro nga Lazio për katër vitet e ardhshme. Ka ardhur koha të largohem”. Pas mosmarrëveshjes së ashpër në ndeshjen kundër Salernitanës, për tifozët bardhekaltër vjen dushi i ftohtë pas fishkëllimës së fundit, kur Luis Alberto njoftoi në mikrofonat e Dazn se do të largohet nga klubi i Lotitos në verë: “Vitin tjetër sigurisht që nuk do të jem pjesë e projektit, kam folur tashmë me klubin”. 31-vjeçari spanjoll ka kontratë me bardhekaltërit deri në vitin 2027.
