Fokusi kthehet në Ligën e Kampionëve këtë mesjavë, ndërsa perballja e Mançester City-t me Real-in e Madridit ju jep mundesine njeres prej skuadrave për të kaluar në finalen e madhe te Stambollit. Një sfidë kjo që vjen drejtëpërdrejtë në rrjetin e Radio Televizionit Shqiptar.
Mançester City u përball me Real Madridin në ndeshjen e parë në “Bernabeu”, ku ndeshja përfundoi ne shifrat 1-1. Kjo e ka lënë këtë ndeshje të përgatitur mirë me një skenar që fituesi i merr të gjitha në Etihad. “Qytetarët” në avantazh. Ndoshta. Ndeshja e parë ishte më emocionuese se sa ajo e gjysmëfinales së sezonit të kaluar, kur Madridi organizoi një rikthim të jashtëzakonshëm në ndeshjen e dytë në “Santiago Bernabéu” për të mposhtur lojtarët e Pep Guardiola-s me rezultat të përgjithshëm 6-5. Më e rëndësishmja, ndoshta, këtë herë ndeshja e dytë zhvillohet në stadiumin e City of Mançester, ku vendasit janë në një seri prej 14 ndeshjesh të pamposhtur me rezultatin e kombinuar 49-7.
Ndeshja e së mërkurës mund të ndjekë një model të ngjashëm me takimin e javës së kaluar në Madrid, ku City dominoi pjesën e parë përpara se Madridi të rikthehej në të dytën. Mos u habisni nëse skuadra e Guardiola-s do të largohet sërish nga blloqet në Mançester, por tifozët vendas i pret një tjetër mbrëmje nervozuese. Finalja është në distancë joshëse për kampionët e Premier League, por koha për të folur ka mbaruar: ata duhet të japin rezultat në fushë.
“Tani është si një play-off. Ne mund të mbrohemi më mirë në disa departamente dhe ndoshta mund të sulmojmë pak më ndryshe. Alaba dhe Rüdiger ishin aq afër Erling, kështu që kishte shumë pak hapësira për të gjetur. Ndoshta mund të rregullojmë disa gjërat”, tha Guardiola.
Me Ederson në portë formacion i mundshem i Mançester City-t pritet të jetë me lojtarë si; Ëalker, Rúben Dias, Akanji; Stones, Rodri; Bernardo Silva, De Bruyne, Gündoğan, Grealish; Haaland
