Wednesday, February 21, 2024

Liga e Kampioneve të Europës. Kualifikohen Borusia Dortmund dhe Lacio, PSG-në e “shpëton” arbitri dhe Mbape

Lexo

Të martën janë luajtur takimet e 5-ta të grupeve E, F, G dhe H dhe dy prej tyre janë luajtur më herët, aty ku Shahtjori i Donjeckut ka mundur me një gol të vetëm belgët e Antverpit, duke mbajtur gjallë shpresën për një vend në turin e 16-shes.

Ndërkaq, në takimin tjetër të grupit H, të luajtur në mbrëmje, Barcelona dhe Porto e kanë mbyllur në barazim 1-1 pjesën e parë, me portugezët që kaluan të parët në epërsi pas një gjysmë ore lojë dhe me katalanët që u kundërpërgjigjën menjëherë më pas. Në pjesën e dytë, Zhoao Feliks përmbys shifrat për Barcelonën, që fiton kështu 2-1 dhe kualifikohet për në fazën tjetër.

Po kështu, në grupin E, në takimin e luajtur më herët, Lacio e ka eliminuar përfundimisht Sëlltikun nga Evropa, duke e mundur 2-0 me dy gola të realizuar brenda 3 minutash, në të 82-tën dhe në të 85-tën, dhe duke mbetur në rrugë të mbarë për një vend në turin e 16-shes së Ligës së Kampioneve. Në takimin tjetër të grupit, të luajtur në mbrëmje, Atletiko e Madridit ka shënuar një gol në pjesën e parë dhe dy në të dytën në Holandë ndaj Fejënordit vendas, duke fituar 3-1, një fitore që kualifikon spanjollët, por edhe Lacion, që tani për në turin e 16-shes.

Ndërkaq, në grupin F, Milani dhe Borusia e Dortmundit kanë fituar nga një 11-metërsh secila në 10 minutat e para, me italianët që e shpërdorojnë me atë të Zhirusë, e me gjermanët që e realizojnë me anë të Rojsit. Megjithatë, pjesa e parë do të mbyllet në barazim 1-1, pasi Çukueze do ta gjejë rrugën e rrjetës për Milanin. Në të dytën, janë sërish gjermanët që gjenë edhe dy herë të tjera rrugën e rrjetës, duke marrë kështu një fitore 3-1 që i çon ata që tani në turin e 16-shes. Në takimin tjetër të grupit, Njukasëlli e ka mbyllur pjesën e parë në epërsi në Francë përballë vendasve të Paris SG-së, por duke mos e ruajtur këtë epërsi deri në fund, pasi francezët kanë barazuar shifrat me një 11-metërsh të saktë të Mbapesë në minutën e 8-të shtesë, rezultat ky që i lë anglezët, francezët dhe italianët në betejë për biletën e mbetur për në turin e 16-shes.

Në grupin G, aty ku thuajse çdo gjë ishte vulosur, Mançester Siti ka kapërcyer pësimin e dy golave në pjesën e parë dhe ka shënuar 3 në të dytën, duke mundur Lajpcigun 3-2 dhe duke mbajtur të paprekur vendin e parë, ndërsa Jang Bojs mundën 2-0 Cërvena Zvezdën.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img