Java 24 e Abissnet Superiore do të mbyllet sot me sfidën Skënderbeu-Dinamo, takim që do të luhet në orën 16:45 në stadiumin e Korçës.
Një sfidë mes dy skuadrave të cilat ndodhen në vendet e fundit në tabelën e klasifikimit me vetëm 3 pikë diferencë mes tyre, dhe ky duel jo më kot do të cilësohet si “luftë” për mbijetesë.
Interesant është fakti se të dyja skuadrat në 5 ndeshjet e fundit kanë të njëjtën ecuri në rezultate, teksa kanë vetëm 1 barazim dhe nga 4 humbje.
Blutë e Bledra Devollit dhe ujqërit e Migen Memellit vihen përballë me synimin e vetëm 3 pikët, për të lënë prapa një rival direkt për mbijetesën.
