Teuta është mposhtur nga Vllaznia me rezulatin 1-0 në “Loro Boriçi” në ndeshjen e javës së 33-të të “Abissnet Superiore”. Trajneri i Teutës, Edi Martini deklaroi për Oversport:
“E filluam pjesën e parë pak poshtë. Nuk ishim agresivë sa duhet. Bëmë një gabim te goli. Te rasti i golit ishte gabim i një pas njëshëm i yni. Në pjesën e dytë e rritëm lojën goxha. Më vjen keq që nuk shënuam gol.
Europa dhe penalltia? Janë edhe 3 ndeshje. Një rezultat pozitiv sot do të na çonte shumë afër Europës. Është rrezikuar me fitoret e Ballshit. Janë afruar pranë nesh. Jemi brenda objektivit dhe janë 3 ndeshje. Është një luftë për të dy frontet”, tha ai.
