Plot 7 lojtare të huaja kanë firmosur për llogari të Klubit të Futbollit Femra Vllaznia duke bërë që skuadra kuqeblu të përforcohet bindshëm në prag të ndeshjeve të “UEFA Women’s Champions League”. Ato vijnë nga shtetë të ndryshme, si Paraguaj, Kanada. Kolumbi, Panama, Argjentina, etj, të cilat vijnë si përforcim për të gjitha repartet, portë, mbrojtje, mesfushë dhe sulm.
Konkretisht, bëhet fjalë për dy portjere: Cristiana Cabanas(Paraguaj) dhe Dior Manuella Ëilson(Kanada). Për repartin e mbrojtjes, firmat kanë ardhur nga Carmen Quinones(Kolumbi) dhe Mireilis Rojas Franco(Panama).
Mayerlin Hernandez Meneses(Kolumbi) është pjesë e repartit të mesfushës, së bashku me Teresa Deda(Amerikane) mesfushore-Sulmuee, për të vijuar me Valentina Bosio(Argjentinë) në repartit të sulmit.
Blerjet e reja nga KFF Vllaznia
Cristiana Cabanas(Paraguaj)- portiere
Dior Manuella Wilson(Kanada)- portiere
Carmen Quiñones(Kolumbiane)- mbrojtëse
Rojas Franco(Panama)- mbrojtese krahu
Hernandez (Kolumbiane)- mesfushore
Teresa Deda(Amerikane)- mesfushore- sulmuese
Valentina Bosio(Argjentina)- sulmuese
Siç është bërë me dije edhe më herët, shorti i hedhur në Nion te Zvicres, ku ishin të pranishë presidenti Lazër Matija dhe menaxherja e përgjithshme Matilda Matija e ka vendosur Vllazninë në grupin e katërt me kundërshtar të tillë si Ferencvarosh i Hungarisë dhe Dinamo BSUPC e Bjellorurisë, ndërkohë presin të bëhet pjesë e grupit edhe fituesja e grupit të parë që do të dalë nga ndeshjet e turit të parë.
Me këto përforcime, Vllaznia synon të përsërisë suksesin e mëparshëm, kur arriti të luante në grupet e “UEFA Women’s Champions League”.
Gaspër MARKU
