Federata Spanjolle e Futbollit dhe La Liga kanë rënë dakord që duke nisur nga muaji janar të publikohen imazhet dhe audiot e bisedave midis gjyqtarit të fushës dhe asistentëve të VAR, kur ka rishikime të aksioneve.
Ky projekt fillimisht do të fillojë të zbatohet në ndeshjet e Superkupës më 10 dhe 11 janar dhe më pas do të aplikohet në ndeshjet e La Liga. Kjo hap një skenar të ri për arbitrimin spanjoll, me synimin për t’i ofruar transparencë më të madhe tifozit në çdo kompeticion iberik. Me transmetimin e imazheve dhe audiove synohet të përmirësohet imazhi i arbitrit dhe të qartësohen vendimet e gjykimit.
