Gjatë prononcimit për mediet pas ndeshjes Vllaznia-Elbasani, e vlefshme për “Final 4” të së dielës së kaluar, zëvendtrajneri i Vllaznisë Ergi Borshi do të deklaronte se pas asaj ndeshje i mbaronte kontrata dhe për vazhdimësinë duhej të fliste me drejtuesit e klubit.
Mirëkuprimi i bashkëpunimi në stafin kuqeblu ka ardhur, dhe paraditen e së premtes, KF Vllaznia ka deklaruar zyrtarisht vazhdimin e punës së Borshit në stafin kuqeblu.
“KF Vllaznia dëshiron të bëjë me dije se do të vazhdojë bashkëpunimin edhe me zëvendtrajnerin Ergi Borshi. Ai do të jetë pjesë e stafit teknik të ekipit të parë edhe në vijim.”, thuhet në njoftimin e KF Vllaznia.
Ndërkohë, sa i takon skuadrës, në vazhdën e disa rinovimeve radhazi ka ardhur edhe ai me portjerin e ri Rezart Bunjaj.
“KF Vllaznia dëshiron të bëjë me dije se ka rinovuar kontratën edhe me portierin Rezart Bunjaj. Sëbashku me Pohls dhe Jukaj, këto tre portierë do të jenë siguria e skuadrës në prapavijën e saj për sezonin e ri.”, shkruhet në njoftimin përkatës
