KF Vllaznia NJOFTIM I RËNDËSISHËM
Të nderuar sportdashës!
Ju bëjmë me dije se dyert e stadiumit “Loro Boriçi” do të hapen që në orën 19:00. Për këtë arsye, për të shmangur konfuzionin që mund të krijohet apo dhe zbatimin e distancës dhe masave të tjera anti- covid, ju këshillojmë që të mos e lini hyrjen në tribuna në momentet e fundit para fillimit të ndeshjes.
Njëkohësisht ju rikujtojmë se për shkak të rregullave strikte që UEFA ka për ndeshje të tilla, ndalohet mbajtja me vete e objekteve si më poshtë:
SENDET QË NUK LEJOHEN
Banderola të pa miratuara nga klubi
Sende të forta
Shishe (të çfarëdolloji)
Materiale piroteknike, si shashka, kapsolla, flakadanë etj
Monedha apo metale (të çfarëdolloji)
Çadra dhe çakmakë
Çelësa të ndryshëm
Lazer
Vuvuzela, bori apo bilbila
Kamera të ndryshme apo aparatë që mund të filmojnë ndeshjen
Shkopinjtë e drurit apo hekurit për flamurë
Çdo shkelje e rregullave të UEFA-s penalizon rëndë Vllazninë si në anën financiare, ashtu edhe në dënimin e fushës së stadiumit “Loro Boriçi”.
Për këtë arsye, kërkojmë nga ana Juaj, zbatimin e këtyre rregullave.
Ju faleminderit!
Forca Vllaznia!
