Viti 2023 për Lazion nis në mënyrën më të keqe të mundshme, duke humbur 2-1 në Via del Mare përballë Lecce. Bardhekaltërit trembën menjëherë portierin e vendasve, Falcone, i zoti në zmbrapsjen e Casale. Megjithatë, në minutën e 14-të, miqtë kaluan në epërsi: Immobile mposhti portierin vendas me një diagonale të saktë.
Megjithatë, sa më shumë afrohej intervali, aq më shumë Lecce nisi të bëhej e rrezikshme. Por për goditjen e parë dhe pritjen e parë të Provedel, u desh të pritej fillimi i pjesës së dytë, kur Di Francesco testoi reflekset e portierit të Lazios.
Barazimi 1-1 arriti në minutën e 57-të: Di Francesco u angazhua sërish me portierin e Lazios, i cili refuzoi, por e dërgoi topin në këmbët e Strefezza, i aftë për të barazuar. Në minutën e 71-të, u kompletua rikthimi: Di Francesco shërbeu për Colombo, i cili nënshkroi 2-1 nga disa hapa.
Sarri, pas aktivizimit të Felipe Anderson, në finale luan edhe Cancellieri, por 2-2 nuk arrin: Lazio vuan ndjekjen e Romës në lartësinë 30, ndërsa Lecce ngrihet në 18 pikë falë suksesit të tretë radhazi duke mbetur në +9 me zonën e rënies.
