Wednesday, February 21, 2024

Shehi: “Mund të bëjmë më mirë. Ka ndryshim mes Tiranës dhe Partizanit, por më vonë do të jap një përgjigje më të qartë”

Lexo

Orges Shehi debuton me fitore në stolin e Partizanit. Të kuqtë triumfuan 1-0 ndaj Teutës, në ndeshjen e vlefshme për javën e 19-të të Superiores. Pas ndeshjes ndeshjes, Orges Shehi u shpreh për MCN TV:

“Rezultati është primar. Sot ishte e vështirë, kemi pak ditë që punojmë dhe patëm merak ndryshimin e fushës. E rëndësishme janë pikët, mund të bëjmë më mirë, do të kemi konfigurim të mirë. Por, morëm 3 pikë, bëmë detyrat e shtëpisë nuk është se bëmë ndonjë gjë të madhe.

Në pjesën e dytë tempi duhet të ishte pak më lart, vendosja duhet të ishte më e qartë, më e shkurtër, të mos nxitoheshim pasi futemi nën presion.

Ndeshja parë duhej fituar edhe për ecurinë pasi kemi 7 javë me 6 barazime dhe 1 humbje. Doza e karikimit e kaloi atë normalen. Dje humbëm Kekon për shkak të atleteve, pasi ka një dëmtim që nuk e lë t’i veshi. Shpresoj të na kthehen edhe të tjerët. E rëndësishme është që na kthehet Skuka pasi ndryshoi loja me të në fushë. Kampionati është i gjatë, na mbetet vetëm të përmirësohemi.

Skuadër që ka vrull dhe grintë. Skuadër e re me energji dhe këtu duhet futur pak llogjika sesi dalim në sulm. Për këtë duhet të krijojmë superioritetin, pasi kur kemi shumë lojtarë në zona të fushës duhet të luajmë shpejt, të mos e mbajmë kot topin.

Ndryshimi i filozofisë mes Tiranës dhe Partizanit? Të përbashkët kanë që janë të dyja të mëdha dhe kërkojnë të jenë në majë. Të gjithë që punojnë duhet ta ngulisin këtë në mentalitetin e tyre. Ka ndryshim mes dy ekipeve, por më vonë do të jap një përgjigje më të qartë”, tha Shehi.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img