Kukësi-Katrioti dhe Vllaznia-Teuta, takime këto të luajtura pasditen e së dieles, të fituara nga kuksianet dhe shkodranët respektivisht, 4-0 dhe 4-2, ishin të parat e Javës së 20-të të Kategorisë Superiore. Ndërkohë, tre takimet e tjera të kësaj jave, Skënderbeu-Partizani, Dinamo-Laçi dhe Tirana-Egnatia, luhen sot.
Nga sa bëhet e ditur, sektori i garave pranë FSHF-së ka programuar që dy takimet e para, ai në mes Skënderbeut dhe Partizanit, si dhe ai Dinamo-Laçi do të luhen në stadiumin “Skënderbeu” dhe “Elbasan Arena” duke filluar nga ora 16:45. Ndërkohë, sfida tjetër ajo Tirana-Egnatia, do të luhet në “Air Albania” duke filluar nga ora 19:45.
Ndeshjet e sotme të Javës së 20-të të Kategorisë Superiore
Skënderbeu-Partizani Ora 16:45
Dinamo-Laçi Ora 16:45
Tirana-Egnatia Ora 19:45
