Thursday, March 28, 2024

Superiore, post java e 34-të. Pak ndryshime në renditje. Vllaznia vazhdon të ketë shanset për Europën!

Lexo

Një fitore e Vllaznisë ndaj Partizanit për javën e 34-të do t’i krijonte kuqebluve komoditetin e përforcimit të pozitave për vendin e katërt të zonës Europiane, por pse jo për t’i bërë presion Egnatias së vendit të tretë. Por nuk ndodhi, as njëra dhe as tjetra, sepse Vllaznia u mund nga Partizani me rezultatin 2 me 1.

Ndryshe nga sa deklarohej në pragndeshje, Vllaznia punoi pak për ta fituar këtë ndeshje, sidomos në pjesën e parë ku kuqeblutë lanë hapësira të pafund të repartin e mbrojtjes duke i dhënë mundësi të kuqve të shënojnë dy gola të shpejtë.

Kjo fitore e Partizanit e vendit të dytë, shoqëruar edhe me fitoren e Tiranës kryesuese në Laç, bën që rivalët e kreut të mbajnë të njëjtat pozita në renditje. Ndërkohë, fitorja e Egnatias së vendit të tretë ndaj Erzenit 3-2, thellon diferencen me Vllazninë e vendit të katërt në 7 pikë duke bërë që rrogozhinasit të sigurojnë matematikisht vendin e tretë dhe pjesëmarrjen në Europë që është historike për këtë skuadër.

Megjithatë, Vllaznia vazhdon të jetë në vendin e katërt me 46 pikë duke vijuar të konkurojë me Teutën dhe Laçin që kanë nga një dhe dy pikë më pas në renditje.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img