Friday, March 29, 2024

Tjetër fitore në miqësore e Vllaznisë. Kuqeblutë mundin 1-2 Al Ahli SC (Doha), e treta radhazi në përgatitoret austriake

Lexo

Al Ahli SC (Doha)-Vllaznia   1-2(Shënues: Jonuzi 11’, Kaina 13’)

Formacioni i Vllaznisë: Qarri, Juriç Smajli, Heriç Hakaj, Hoxhaj, Jonuzi, Kaina, Kruja, Shehi, Alivoda. (U aktivizuan në pjesën e dytë: Bulatoviç, Paloka, Spahija, Gurishta, Marku, Boshnjaku, Vulaj, Aralica, Çoba, Latifi). Trajner: Mirel Josa

Vllaznia, e cila gjendet që prej pasdites së 30 qershorit në Austri duke zhvilluar fazën përgatitore për ndeshjet europiane që e presin me 21 dhe 28 korrik ndaj rumunëve vtë Universitatesë së Kraiovës, ka zhvilluar sot miqësoren e tretë në tokën austriake.

Ashtu si edhe dy të parat, edhe kjo e sotmja është fituar nga skuadra kuqeblu duke konfirmuar kështu formën e mirë sportive që po kalon grupi kuqeblu në këtë periudhë përgatitore.

Nisur edhe nga pesha e kundërshtarit, për të cilën u komentua së disponion një nivel të lartë, tekniku Mirel Josa duket se ka surprizuar pak me emrat që ka hedhur në fushë nga minuta e parë.

Qarri, Juriç Smajli, Heriç Hakaj, Hoxhaj, Jonuzi, Kaina, Kruja, Shehi, Alivoda, kanë qënë emrat me të cilët Vllaznia e ka nisur ndeshjen. Dhe në fakt skuadra e ka bërë mjaft mirë detyrën e saj teksa e ka fituar pjesën e parë me rezultatin 1 me 2.

Golat për skuadrën shkodrane janë shënuar nga Jonuzi dhe Kaina, përkatësisht në minutat 11-të dhe 13-të, gola këto që e kanë kaluar Vllazninë në avantazhin 0-2. Ndërkohë, pjesa e parë do të mbyllej me rezultatin 1 me 2, pas një goli të shënuar nga futbollistët e Katarit përmes pikës së bardhë të penalltisë në minutën e 33-të. Bulatoviç, Paloka, Spahija, Gurishta, Marku, Boshnjaku, Vulaj, Aralica, Çoba, Latifi, do të ishin futbollistët e aktivizuar në pjesën e dytë nga tekniku Josa, të cilët megjithë përpjekjet e tyre nuk arritën të shënojnë më gola të tjerë, por nga ana tjetër mbajtën të paprekur portën e tyre në këtë pjesë, duke bërë që e gjithë ndeshja të mbyllej me rezultatin 1 me 2 në favor të Vllaznisë.

Kjo ishte miqësorja e fundit që Vllaznia kishte planifikuar të luante në ditët përgatitore të Austrisë, ku në pamje të parë, tre ndeshje, tre fitore, të japin përshtypjen që skuadra e ka bërë mirë detyrën e saj. Gjithësesi, më saktësisht forma sportive e skuadrës do të shikohet pas kthimit në Shkodër që ndodhë në mesjavë.

Ditët deri me datë 21 korrik kur luhet edhe sfida e parë do t’i shërbejnë teknikut Josa për ta kolauduar akoma më shumë skuadrën duke riparuar edhe ndonjë defect të konstatuar në Austri.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img