Kanali publik britanik, BBC e ka vlerësuar sulmuesin me notën më të lartë të ndeshjes, 7.74 dhe njëkohësisht e ka shpallur lojtarin më të mirë të ndeshjes.
Gol për t’u vendosur në kornizë, ashtu siç vetëm Broja di të shënojë. Një goditje manuali, kirurgjikale por njëkohësisht edhe shumë e fortë në cepin e djathtë të portës së kundërshtarit, veoprim që e konfirmon Armando Brojën një nga surprizat më të ëmbla të Premier League këtë sezon pasi në 6 ndeshje si titullar ka shënuar 4 gola me fanellën e Southampton. Pas 90 minutëshit londinez në “Selthurst Park”, tabloidi “Daily Mail” e vlerëson me notën 7 sulmuesin shqiptar, një nga më të notat më të larta në skuadrën e “shenjtorëve” që nuk arriti ta ruante avantazhin e përkohshëm që i dha 20-vjeçari.
Kanali publik britanik, BBC e ka vlerësuar Brojën me notën më të lartë të ndeshjes, 7.74, më shumë se çdo lojtar tjetër në fushën e lojës dhe njëkohësisht e ka shpallur lojtarin më të mirë të ndeshjes. Kjo është hera e parë në vitet e fundit që BBC jep një vlerësim të tillë për një lojtar 20-vjeçar. “hampshirelive” i vendos talenti shkodran notën 8 si askush tjetër në mbrëmjen e ftohtë të Londrës, duke theksuar se kur Broja ka një mundësi sado të vogël për të shënuar, e bën një gjë të tillë pa u menduar dy herë.
“Një nga golat më të bukur të kohëve të fundit për shenjtorët”, thekson gazeta lokale. Faqja e specializuar e statistikave “OptaJoe” vë në dukje një fakt. “Armando Broja ka shënuar më shumë gola në Premier League se sa Lukaku me 3, Haverz me 2 dhe Ëerner me 1 dhe të mendoni që është në huazim nga Chelsea”, shkruan në Tëitter “OptaJoe”.
Nuk mund të mungonte në vlerësimet për shqiptarin as trajneri i tij, austriaku Ralph Hasenhüttl, i cili pas ndeshjes u shpreh se goli i realizuar nga sulmuesi shtatlartë është absolutisht fantastik duke theksuar se kjo është ajo për të cilën skuadra ka shumë nevojë në këto momente.
