Erzeni, humbi derbin durrsak duke u mundur në përballjen e sotme 1-0 nga Teuta. Humbje kjo e eleminon nga vazhdimësia e konkurimit në Kupën e Shqipërisë. Duke folur pas ndeshjes për Over Sport, drejtori sportiv i shijakasve, Ervis Xhafa, thekson se tashmë Erzeni përqëndrimin krysor do ta ketë në kampionat.
“Tani loja ishte kjo që erdhi, një episod mund ta vendosë ndeshjen dhe kështu ndodhi. Pësuam gol pasi në një moment ne u treguam të pakujdesshëm, por besoj duhet të shohim pjesën pozitive. Fituam disa lojtarë sot, e ndërtuam lojën në këtë formë. Kemi marrë përgjigje nga lojtarët e rinj, është momenti të fokusohemi në kampionat, kemi një prezantim të shkëlqyer nga Kovaçi, Leao dhe Aliti që ishin për herë të parë sot. Kampionati është i gjatë dhe ne na duhej që afrimet ti shërbenin ekipit deri në fund të muajit maj dhe besoj sot e kuptuam që kemi bërë zgjedhjet e duhura. Humbja erdhi natyrshëm, është më e mira e mundshme për një ekip si ne, do të na vlejë për kampionatin që të përqëndrohemi më shumë”, tha ndër të tjera, drejtori sportiv i shijakasve, Ervis Xhafa.
