Monday, July 22, 2024

(Video) Futboll Kategoria e Dytë-Tërbuni fiton 2 me 0 ndaj KF Albanët. Vendosin golat e Tabakut dhe Gjinit. Trajneri Xhahysa, i kënaqur me rezultatin, por kërkon më shumë nga skuadra

Lexo

Tërbuni i Pukës e ka mbyllur me sukses javën e katërt të Kampionatit Kombëtar të futbollit të kategorisë së dytë Si pjesë e grupit A, pukjanët luajtën këtë javë në shtëpi duke pritur në stadiumin “Ismail Xhemali” ekipin kryeqytetas të KF Albanët.

Pas një pjese të parë e mbyllur me rrjeta të paprekura, 0 me 0, pukjanët e drejtuar nga trajneri shkodran, Altin Xhahysa arrijnë të shënojnë dy herë në portën mike të mbrojtur nga portjeri Kodra.

Goli i parë regjistrohet në minutën e 48-të nga Tabaku, një futbollsit ky që tekniku Xhahysa e aktivizoi në pjesën e dytë dhe pas tre minutash lojë tund rrjetën kundërshtare. Do të ishte po ky futbollist që në minutën e 88-të do të kombinonte me Gjinin, i cili pas një depërtimi të fuqishëm në zonën mike godet saktë duke e dërguar topin në rrjetë.

Tre pikëshi i marrë në këtë ndeshje bën që Tërbuni të shkojë në kuotën e 7 pikëve duke u pozicionuar në vendin e gjashtë duke lënë pas dy skuadrat e qarkut Shkodër, Veleçiku dhe Murlani me nga 4 pikë, Naftëtari me 3 pikë, Shënkolli me me 2, Adriatiku 1 dhe Albanët 0 pikë.

Në prononcimin e dhënë pas ndeshjes, Tërbuni-Albanët, trajneri pukjan Altin Xhahysa, shprehet i kënaqur për fitoren, por ndërkohë kërkon më shumë nga skuadra e tij, pasi në vazhdim Tërbunin e presin ballafaqime me të forta duke nisur që nga java e pestë, kur kalendari i grupit A përballë, Ilirinë me Tërbunin, dy skuadrat pretedente për kualifikimin në kategorinë e parë

Rezultatet e javës së 4-t të grupit A-Kategoria e Dytë

TËRBUNI – ALBANËT 2-0

VELEÇIKU – ILIRIA 3-4

SOPOTI – MURLANI 5-0

BESËLIDHJA – NAFTËTARI 3-1

ADRIATIKU – VALBONA 0-5

GRAMSHI – SHËNKOLLI 2-1

 (Video) Tërbuni-Albanët, 2-0. Golat e shënuar nga Tabaku dhe Gjini, si dhe prononcimi i trajnerit të Tërbunit, Altin Xhahysa pas fitores me Albanët

Gani Pemaj

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img