Turneu Ndërkombëtar me pjesëmarrjen e të gjitha vendeve të Rajonit, i emërtuar “Shkodra Summer Cup”, është në edicionin e pestë. Një aktivitet ky që organizohet nga Shkodra Sport Event në bashkëpunim me Shoqatën Rajonale të Futbollit në Shkodër. Jetmir Podgorica, i njohur si një gjyqtar i kualifikuar futbolli, tashmë në rolin e organizatorit flet për detajet e këtij turneu.
Sipas Podgoricës, në garë do të jenë mbi 500 sportistë të grupmoshave të ndryshme, të cilët janë të ndara në kategoritë e femrave dhe të meshkujve.
Ndeshjet do të zhvillohen të ndara në terrene të ndryshme, eleminatoret në fushën sportive të Barbullushit dhe finalet në stadiumin “Reshit Rusi”.
(Video: Jetmir Podgorica, flet për edicionin e pestë të Turneut Ndërkombëtar“Shkodra Summer Cup)
