Superliga e volejbollit për femra ka rezervuar ndeshjen më të rëndësishme të javës së gjashtë, atë Vllaznia-Tirana, prballje që luhet këtë fundjavë në pallatin e sportit “Qazim Dervishi” të Shkodrës në orën 16:00. Dy skuadra që rivalizojnë për katërshen më të mirë finaliste të fazës Play-Off, dhe që rezultati i kësaj jave përcakton shumë në renditjen e tabelës së klasifikimit.
Skuadra kuqeblu nën drejtimin e dyshes së trajnerëve, Nora Deda dhe Ardian Dodani po punojnë fort në seancat stërvitore të kësaj jave, në mënyrë që në përballjen e së shtunës, Vllaznia të marrë rezultat pozitiv.
Teksa e vlerëson si ndeshje shumë të fortë, zv.trajneri Ardian Dodani, beson shumë tek mbështetja e lojtarit të shtatë, tifozërisë shkodrane.
Sipas teknikut Dodani, fitorja e javës së kaluar në transfertë me Teutën i ka dhënë më shumë moral skuadrës kuqeblu, e cila futet në këtë ndeshje me objektiv vetëm fitoren.
(Video) Intervista e plotë me zv.trajnerin e Vllaznisë, Ardian Dodani, në prag të ndeshjes Vllaznia-Tirana, të shtunën, ora 16:00 në pallatin e sportit “Qazim Dervishi” Shkodër.
Gaspër MARKU
