Vllaznia-Flamurtari 87-72
(26-13, 22-20, 16-15, 23-24)
Formacioni i Vllaznisë: Redi Rakaj, Elian Memçaj, Sabb Craig, Antonio Shabani, Veton Gjeçaj, Elidon Bitri, Edon Kuçi, Sead Kopliku, Rejan Mbiara, Mateo Bushgjokaj, Bujar Tafa, Xhulio Murrizaj,Mckyron Endrel. Trajner: Damian Bekteshi
Gjyqtar: Ervin Koçi, Kostandin Canaj, Ani Balliu. Vëzhgues i FSHB: Salvator Kurti
Vllaznia dhe Flamurtari u përballen mbrëmjen e sotme në pallatin e sportit “Qazim Dervishi” të Shkodrës në kuadrin e javës së gjashtë të Superligës të basketbollit për meshkuj.
Më kuqeblutë që renditen në vendin e shtatë me 6 pikë dhe Flamurtarin e vendit të 11-të, i fundit në tabelën e klasifikimit me një pikë më pak se Vllaznia, sfida e sotme mes këtyre dy skuadrave paraqiste interest të madh për të dyja skuadrat.
Dhe, kuqeblutë ia dolën me sukses, teksa e fituan krejt takimin me rezultatin 87 me 72. Referuar ecurisë së ndeshjes duhet thënë se tre periodat e para i fituan kuqeblutë dhe vetëm një, ajo e fundit u fitua nga miqtë.
Por, ajo që vendosi fatin e takimit ka të bëjë me diferencen e pikëve në periodat përkatëse, ku sidomos ajo e para e mbyllur me shifrat 26 me 13 në favor të Vllaznisë ishte përcaktuese për rezultatin final që foli për kuqeblutë.
Dhe, duke vijuar me kronikën e lojës, edhe perioda e dytë fitohet nga Vllaznia, këtë radhë 22-20, duke bërë që në fund të pjesës së parë, shifrat të ishin 48-33 me 15 pikë diferencë në favor të Vllaznisë.
Me fitore e mbyll Vllaznia edhe periodën e tretë, 16-15, ndërkohë që dhjetë minutat e fundit i përkasin ekipit të Flamurtarit me rezultatin, 23-24, por pa mundur të frenojë fitoren e merituar të kuqebluve me shifrat e përgjithshme, 87 me 72.
Me pikët e plota të marra në këtë ndeshje, Vllaznia e drejtuar nga trajneri Damian Bekteshi, forcon pozitat në mesin e tabelës së klasifikimit, por ndërkohë, javën e ardhshme, kuqeblutë i pret një sfidë shumë e vështirë, pasi do të ndeshet me ekipin me kampionët e Besëlidhjes.
(Video) Pamje nga ndeshja e basketbollit meshkuj, Vllaznia-Flamurtari, 87-72. Java e gjashtë e Superligës
