Ka dalë nga ekipet e Akademisë Vllaznia, ka luajtur me ekipin e parë kuqeblu, është larguar më pas tek Partizani, Teuta, sërish Partizani, një muaj më parë firmosi në Turqi, ndërkohë që lajmet e fundit nga kampi kuqeblu bëjnë të ditur se futbollisti, Ersin Hakaj ka arritur marrëveshjen me drejtuesit e klubit Vllaznia.
“KF Vllaznia bën të ditur se mbrëmjen e së premtes ka arritur marrëveshjen me futbollistin Esin Hakaj për të qenë pjesë e skuadrës për sezonin e ardhshëm. Firmosja e kontratës dhe prezantimi i tij do të bëhet gjatë ditës së nesërme. Hakaj në këtë mënyrë rikthehet në skuadrën tonë sërish pas 5 sezonesh. Mirë se erdhe në shtëpi Esin!”, shkruhet në postimin zyrtar të KF Vllaznia
