S’ka më dyshime. Briken Calja është zyrtarisht Kampion Bote në shkëputje dhe nënkampion në shtytje dhe dygarësh. Ai e ka kaluar me sukses testin anti-doping dhe lajmin e bukur e ka ndarë me ndjekësit e tij në rrjetet sociale. Ai shkruan se këto teste treguan pastërtinë dhe vërtetësinë e medaljeve historike të Botërorit të fundit.
“Një lajm i mirë mbërriti këtë mëngjes. Testet anti-doping dolën duke treguar pastërtinë dhe vërtetësinë e medaljeve historike të Botërorit të fundit. Jam jashtëzakonisht im lumtur që medaljet e arit dhe të argjendit certifikohen si të Shqipërisë, të shqiptarëve dhe personalisht të miat. Zyrtarisht Kampion Bote në shkëputje dhe nënkampion në shtytje dhe dygarësh.”
