Në Nyon të Zvicrës është hedhur shorti për fazën e 1/8-tave të kompeticionit më të ri europian, Europa Conference League. Në short ishte i pranishëm një nga figurat më të spikatura të kombëtares shqiptare si Altin Lala, duke qenë se finalja e luhet në Tiranë, në stadiumin Air Albania.
Presidenti i FSHF Armand Duka ka shkruar në Facebook:
“Kënaqësi kur shikoj se futbolli shqiptar është në qendër të vëmëndjes europiane. Sot u përfaqësuam në shortin e UEFA Conference League me ish kapitenin Altin Lala, një ndër figurat që na ka bërë pafund krenar kudo.
Finalja e 25 majit në Air Albania Stadium do të jetë një natë magjike për të gjithë shqiptarët, si kurorzim i një pune dhe angazhimi të madh disavjeҫar.”
