Panthers-Don Bosko 4-3
(Shënues: Asar Bashi(2), Albert Kaçi 1/ Florian Lala(autogol), Gjoni Tinaj(2), Florian Lala)
Formacioni i Panthers: Fatjon Nutaj, Irlind Zaja, Ormir Kacerja, Ardit Mesi, Asar Bashi(Albert Kaçi, Admir Teli, Engin Çiellza, Eglant Berhani, Aldi Bashi). Trajner: Admir Teli. President: Ergi Axhani
Java e parafundit e Kampionatit Kombëtar të Futbollit Amator, Kalçeto 5×5, kampionat i cili luan organizohet për herë të parë në Zonën e Shkodrës, luajti sot ndeshjet javës së parafundit.
Nëse dy javë më parë, ekipi Air Albania që drejtohet nga trajneri Armir Mehja, fitoi të drejtën e pjesëmarrjes në Fazën Finale Play-Off si i pari i grupit, mbrëmjen e sotme është përcaktuar edhe skuadra e dytë që kalon në finalen Play Off. Ajo është, Panthers, e cila pas një dueli të fortë dhe plot rivalitet me ekipin Don Bosko doli fitues me rezultatin 4-3.
Ndeshja e luajtur në Kompleksin Sportiv Kalçeto “Lici” fillon me gol, autor i të cilit është Asar Bashi. Por, nuk vonon dhe shumë shpejt vjen goli i barazimit për ekipin Don Bosko me autor Gjoni Tinaj.
Barazimi e ndez akoma më shumë betejen në fushën e lojës dhe si rezultat i presionit të Panthers, vjen goli i dytë për këtë skuadër që në fakt është autogol i Lalës për skuadrën kundërshtare.
Është po ky futbollist, Florian Lala që korigjon gabimin duke u bërë autor i golit të barazimit për ekipin e tij Don Bosko. Një gol ky që pasohet nga një tjetër me autor Gjoni Tinaj duke i dhënë kryesimin 2-3 ekipit të Don Boskos.
Kur të gjithë menduan se Don Bosko do ta fitonte ndehsjen, në skenë del Albert Kaçi, futbollisti më në formi i kampionatit që shënon duke barazuar rezultatin në 3-3. Ndërkohë, për fitoren e Pathers ka menduar kolegu i tij Asar Bashi që shënon të katërtin për Panthers dhe të dytin personal.
Përfundimisht, 4 me 3 për Panthers, që me këtë fitore, si e skuadra e dytë e grupit të Zonës Shkodër, së bashku me ekipin e parë Air Albania fitojnë të drejtën e konkurimit në fazën finale ku do të përballen me ekipet më të mira shqiptare.
Për t’u theksuar është se kualifikimin për në finale të ekipit Panthers ia ndihmoi edhe humbja e rivalit, Manches që u mund ditën e diele me rezultatin 6-3 nga ekipi i Air Albania.
