Shumë diskutime ka marrë vendosja e arbitrit për ndeshjen, Vllaznia-Partizani, takim që luhet pasditen e sotme në stadiumin “Loro Boriçi” duke filluar nga ora 17:45.
Problematika që ka shoqëruar dy kampet respektive në ndeshjet e mëparshme ka bërë dy nga gjyqtarët më të mirë të Shqipërisë me stemën e FIFA-s, Enea Jorgji dhe Eldorian Hamitaj, të mos përfshihen në listën e kandidatëve për të drejtuar këtë duel. Kjo, për faktin se, i pari, Jorgji është kontestuar nga Partizani, si dhe i dyti, Hamitaj nga Vllaznia.
Përpos, këtyre argumenteve, kuqeblutë kanë deklaruar se nuk duan arbitër nga Tirana, gjë që i kanë qëndruar kësaj kërkese deri paraditen e sotme.
Pikërisht, sot, pas konsultimeve mes dy klubeve përkatëse, Vllaznisë dhe Partizanit, është arritur në marrëveshjen përkatëse që takimi të drejtohet nga ndërkombëtari i kategorisë së FIFA-s, Juxhin Xhaja, gjyqtar i kolegjimit të Tiranës.
Ndërkohë, në sistemin VAR do të jetë një tjetër ndërkombëtar i FIFA-s, pikërisht, elbasanasi Enea Jorgji, ai që miqësoren e luksit, Turqi-Itali, të cilën ai e drejtoi si kryesor, mori vlerësime shumë pozitive
